Fyrsti áreksturinn vel heppnaður

Þær stórkostlegu fréttir bárust í dag að vísindamönnum við Cern stofnunina hefði tekist að láta fyrstu eindirnar rekast saman í risastóra öreindahraðlinum.

Virðist áreksturinn hafa verið vel heppnaður og lofar góðu um framhaldið þó lágmarks orka hafi verið notuð í þessa fyrstu tilraun.

Öreindahraðallinn, sem hýstur er í 27 km. löngum hringlaga neðanjarðargöngum, á m.a. að upplýsa okkur um uppruna alheims.

Í næstu viku er reiknað með að hægt verði að framkalla árekstur með meiri orku.

Hreinskilni var það heillin

Þann 18. nóvember 2008, flótlega eftir Hrun, skrifaði ég hér á bloggið færslu sem ég kallaði Brutal Honesty - óvægin hreinskilni - þar sem ég velti fyrir mér hvort hreinskilni, gagnsæi og heiðarleiki væri ekki forsenda þess að traust væri endurvakið á Íslandi.

Þá skrifaði ég;

Í ljósi liðinna atburða er eðlilegt að efast. Traustið er farið veg allrar veraldar. Traust er hægt að vinna aftur. Lykilatriði er gagnsæi. Gagnsæi er vísbending um heiðarleika. Hreinskilni. Þjóðin skorar á stjórnmála-, embættis- og fjölmiðlamenn að endurvinna traust.

Oft var þörf en nú er nauðsyn á "brutal honesty".

Gerum þessi orð úr ræðu Barack Obama, nýkjörins forseta Bandaríkjanna, að okkar þegar hann fagnaði sigri 5. nóv.

There will be setbacks and false starts. There are many who won't agree with every decision or policy I make as President, and we know that government can't solve every problem. But I will always be honest with you about the challenges we face. I will listen to you, especially when we disagree. 

Mér sýnist að fulltrúar á Þjóðfundi hafi komist að þessari sömu niðurstöðu. Hreinskilni var það heillin.

En þá vaknar spurningin hvers vegna íslensk stjórnmál og stjórnsýsla - kerfið sjálft - hafi ekki komist að þessari niðurstöðu núna meira en ári eftir Hrunið?

Er kannski svona djúpt á meininu að það tekur einfaldlega mun lengri tíma fyrir sjúklinginn að ná bata?

Þjóðin leggur áherslu á heiðarleika

Klaufabárður villist frá ESB til Íslands

Allt gengur nú á afturfótunum hjá Össuri, ESB-hraðinngönguráðherra, við skipulag á hraðinngöngu Íslands í ESB samkvæmt "hvað sem það kostar" stefnunni. Ástæðan er augljós.

Ef þú hittir þrjá Íslendinga þá er líklegt að einn vilji einangra sig og ganga inn í 27 landa ESB klúbbinn en hinir halda sig við 200 landa alþjóðasamfélagið.

Hver pótintátinn á fætur öðrum er flutttur inn frá ESB til að mæra inngöngustefnu Íslands og má furðu sæta hversu æstir ESB bjúrókratarnir eru í að fá okkur í faðm sinn. Magnað helvíti.

Hvað er það sem gerir okkur svona spennandi? Kannski hrein orkan? Kannski tært vatnið? 

Í frétt á ruv í gær er fjallað um innflutning á speking frá ESB sem titlar sig atvinnumálastjóra en þar segir m.a;

En hvað með hugsanlega upptöku evru í baráttunni gegn atvinnuleysi hér? ,,Öll efnahagskerfi þurfa stöðugleika og efnahagskerfi almennt eru í eðli sínu ótrygg. Með upptöku evru er einum anga óvissunnar eytt. Það er betra fyrir vinnumarkaðinn," segir Vladimír Špidla, atvinnumálastjóri Evrópusambandsins.

Sjaldan hafa jafn klaufaleg orð verið látin falla og sérstaklega í ljósi fréttar sem birtist örfáum dögum fyrr á ruv en þar sagði að atvinnuleysi hefði aldrei verið meira síðan evran var tekin upp;

Atvinnuleysið á evrusvæðinu mælist nú það mesta frá því að evran var tekin upp fyrir næstum 11 árum.

Samkvæmt tölum sem evrópska tölfræðistofnunin birti í gær var atvinnuleysið í september að meðaltali 9,2%, sem þýðir að rúmlega 22 miljónir manna eru án atvinnu á svæðinu. Fimmtungur þeirra eru ungmenni. Atvinnuleysið er þó mjög mismunandi eftir löndum. Það er mest á Spáni 19,3% en minnst í Hollandi 3,6%. Mest atvinnuleysi í Evrópusambandsríkjunum öllum er í Lettlandi 19,7%. Verðhjöðnun var á evrusvæðinu í október, fimmta mánuðinn í röð.

Það er einstaklega klaufalegt að maður sem titlar sig atvinnumálastjóra ESB skuli vera fluttur inn til Íslands með krónu þar sem atvinnuleysi (7,6%) er mun minna en í ESB með evru (9,5%) til að segja okkur til um hvernig á að minnka atvinnuleysi.

Það þarf ekki að kenna Íslendingum það að sjálfstæð, fljótandi mynt, dregur úr atvinnuleysi því hún flytur vinnuaflið frá innflutningsgreinum í útflutningsgreinar og ferðaþjónustu á augabragði. Evran og hin hörmulegi og stirði atvinnumarkaður ESB dregur úr sveigjanleika vinnuaflsins og eykur atvinnuleysi. 

Væri ekki ráð að maðurinn væri sendur beint til Spánar, Lettlands eða Írlands þar sem vandinn er virkilega stór? Nema þeir vilji hreinlega ekki fá hann og eina eftirspurnin hafi verið frá íslenska utanríkisráðuneytinu?

Biðjum síðan allar góðar vættir um að forða okkur frá meiri snilld af þessari gerðinni.

Flóttaleiðir tungumálsins og setning mánaðarins

Tungumálið er til margra hluta nytsamlegt. Margir nota tungumálið til að forða sér frá loforði án þess samt að segja það beint.

Oft heyrir maður að fólk segist ætla að "reyna" að gera þetta eða hitt og jafnvel þó verkefnið sé sáraeinfalt. Notkun orðsins "reyna" í þessari merkingu er auðvitað til þess fallin að halda flóttaleiði opinni ef ske kynni að viðkomandi myndi ekki klára málið.

Um leið aukast líkurnar á því að málið klárist ekki því oftar en ekki er sá sem notar "flóttaorð" í raun búinn að ákveða að hann ætlar ekki að klára málið. Er bara ekki tilbúinn að segja það beint því viðkomandi er með óhreint mjöl í pokahorninu.

Önnur orð sem geta fallið í þennan flokk eru t.d. "stefna að", "ráðgera", "reikna með", o.s.frv. Þið skiljið hvert ég er að fara.

Ég á í höggi við snillinga (í merkingu Davíðs Oddsonar) í íslensku stjórnsýslunni og fékk fyrir nokkru skilaboð frá þeim sem hljóðuðu svona;

"við ráðgerum að úrskurða í málinu í október"

Ég hló upphátt þó mér væri í reynd ekki hlátur í hug því setningin fyrir september hljóðaði svona;

"þeir stefna að því að úrskurða í málinu í september"

Setning fyrir nóvember hefur ekki borist og enginn úrskurður heldur.

Kolefnisskattur: Þeir borgi sem mengi

Þær leggjast misvel í mig hugmyndir ríkisstjórnarinnar um aukna skattlagningu. Almennt ferst embættis- og stjórnmálamönnum illa að skipuleggja skattlagningu því þeir leitast sífellt við að halda "sínu fólki" utan við skattheimtuna með undanþágum og gera kerfið um leið flókið og ónothæft. Líklegt er að þannig verði það einnig nú.

Ég tek þó heilshugar undir eina hugmynd sem ég hef heyrt að sé uppi á borðum hjá rikisstjórninni. Það er hugmynd um kolefnisskatt. Þó set ég þann fyrirvara við stuðning minn að alls ekki verði settar undanþágur á tilteknar atvinnugreinar, starfsstéttir, landshluta, o.s.frv. Kolefnisskattur virkar því aðeins að hann leggist jafnt á alla sem losa kolefni.

Reglan þarf að vera: Sami skattur á sama magn hvar og hvernig sem það er losað.

Hvers vegna er þessi skattur sniðugur í dag? Jú, því hann er sanngjarn að því leiti að þeir sem menga borga meira en þeir sem ekki menga. Losun kolefnis er á alþjóðlega vísu orðin takmörkuð auðlind. Því á að greiða fyrir hana. Í raun er um auðlindaskatt að ræða. Það ætti að vera grundvallarregla.

Bensín og dísilolía innihalda kolefni og þegar þessu eldsneyti er brennt þá losnar kolefni og berst út í andrúmsloftið. Jafnvel íslensku jarðhitaborholurnar losa kolefni þó lítið sé í hlufalli við orkuna sem þær skapa.

Besta leiðin til að draga úr allri kolefnislosun er að skattleggja hana. Og einfaldasta og skilvirkasta leiðin er að gera það með kolefnisskatti og lýsa því strax yfir að hann fari stigvaxandi t.d. á hverju ári næstu 10 árin.

Þá borga þeir sem aka bílum, sigla skipum, flúga flugvélum, keyra fjórhjól, aka vélsleðum, o.s.frv. Þeir borga sem menga. Þeir borga meira sem menga meira. Sanngjarnt.

Um leið myndast hvati til að draga úr losun. Keyra, sigla, fljúga hægar eða bara hjóla eða kaupa sparneytnari tæki. Og það besta við þetta er að stjórnvöld stýra þá ekki tækninni sem maður notar til að draga úr losun.

Rafmagnsbíll, metanbíll, vetnisrafbíll, sparneytnari dísil eða bensínbíll, strætó, hjól, tveir jafnfljótir. Allt vigtar en mismikið og að vali hvers og eins. Frelsi til að velja. Frábært.

Sýnið kjark. Bara, ekki eyðileggja hugmyndina með því að setja undanþágur. Plís.

47% skattur á launatekjur?

Réttarríkið Ísland er djók

Þann 9. október 2008 skilaði fyrirtæki mitt inn lóð til Reykjavíkurborgar og var að fullu og öllu farið að lögum, reglum og hefðum við þau skil og reyndar fylgt ráðum löglærðs starfsmanns borgarinnar um hvernig staðið skildi að skilunum.

Fyrirmæli hins löglærða starfsmanns Reykjavíkurborgar voru eins og er hér fyrir neðan en þau er m.a. að finna á vef borgarinnar.

Það var ljóst að maðurinn hafði gert þetta oft áður því það vafðist ekki fyrir honum að lesa þetta upp fyrir lögmann okkar snemma október mánaðar 2008 þegar við vorum að athuga hvernig standa ætti að skilunum.

Í beiðninni skal koma fram upplýsingar um nafn og kennitölu lóðarhafa, einn eða fleiri, götuheiti og númer lóðar, sem úthlutað var, upplýsingar um bankareikning sem Reykjavikurborg skal endurgreiða kaupverðið inn á og skal beiðnin vera undirrituð af lóðarhafa, einum eða fleiri.

Reykjavíkurborg hafði 30 daga samkvæmt reglugerð til að ganga frá endurgreiðslu lóðargjaldanna sem höfðu að fullu verið greidd. Ekkert svar hafði borist 9. nóvember 2008, 30 dögum síðar.

En aftur á móti þann 20. nóvember 2008, 41 degi síðar, breytti borgaráð reglum, afturvirkt, og neitaði að taka við lóðinni þrátt fyrir að hafa tekið við lóðum skv. fyrri reglum nokkrum dögum áður en við skiluðum. Eins og reyndar Reykjavíkurborg hefur gert undanfarna áratugi.

Í þessu samhengi er áhugavert að nefna að þessari sömu lóð var skilað af öðru fyrirtæki til Reykjavíkurborgar, án nokkurra málalenginga, fyrir nokkrum árum.

Þess ber að geta að ekkert annað sveitarfélag breytti reglum um lóðaskil eins og Reykjavíkurborg gerði og öll taka þau enn við lóðum þegar þeim er skilað.

Við mótmæltum auðvitað þessari mismunun milli fyrirtækja í borginni en allt kom fyrir ekki og þrjóskaðist borgin við og að lokum var okkur nauðugur einn kostur að kæra málsmeðferðina til næsta stjórnvalds.

Þann 7. apríl 2009, var úrskurður borgarinnar og málsmeðferð kærð til Samgönguráðuneytis sem fer með málefni sveitarfélaga. Í 9. grein stjórnsýslulaga segir um málshraða:

9. gr. Málshraði.
 Ákvarðanir í málum skulu teknar svo fljótt sem unnt er.
 Þar sem leitað er umsagnar skal það gert við fyrstu hentugleika. Ef leita þarf eftir fleiri en einni umsögn skal það gert samtímis þar sem því verður við komið. Stjórnvald skal tiltaka fyrir hvaða tíma óskað er eftir að umsagnaraðili láti í té umsögn sína.
 Þegar fyrirsjáanlegt er að afgreiðsla máls muni tefjast ber að skýra aðila máls frá því. Skal þá upplýsa um ástæður tafanna og hvenær ákvörðunar sé að vænta.
 Dragist afgreiðsla máls óhæfilega er heimilt að kæra það til þess stjórnvalds sem ákvörðun í málinu verður kærð til. 

Í dag, 8. nóvember 2009, á 7 mánaða afmæli kærunnar og 13 mánaða afmæli lóðaskilanna hefur ekkert heyrst frá Samgönguráðuneytinu. Ekki bofs og hunsar ráðuneytið því fyrirmæli laganna um að skýra aðila máls frá því þegar fyrirsjáanlegt er að afgreiðsla máls muni tefjast.

Í lögunum segir að dragist afgreiðsla máls óhæfilega er heimilt að kæra það til þess stjórnvalds sem ákvörðun í málinu verður kærð til. Ég spyr hvort þetta sé óhæfilegur dráttur? Já.

Næsta skref er að kæra málsmeðferð ráðuneytisins til umboðsmannns Alþingis og þannig neyða ráðuneytið til að svara. Réttarríkið Ísland er sannkallað djók.

Það er síðan annað og sérstakt rannsóknarefni hinn sérstaki illvilji meirihluta Sjálfstæðisflokks í garð fyrirtækisins sem er með yfir 170 manns í vinnu og borgar tugi milljóna á ári í fasteignagjöld og óskar eingöngu eftir því að jafnræði ríki í málsmeðferð þess miðað við önnur fyrirtæki í borginni.

Heimsmeistarakeppnin í heimskupörum stjórnvalda

Heimsmeistarakeppni stjórnvalda í heimskupörum stendur nú sem hæst. Íslendingar eiga titil að verja frá 2008 þegar stjórnvöld vissu allt árið og jafnvel fyrr að tífallt landsframleiðslubankakerfið var að hruni komið og gerðu ekkert í málinu.

Jafnvel er talið að þau heimskupör berjist um titilinn mestu heimskupör mannkyns en sú keppni fer fram í lok hvers áratugar.

Stjórnvöld á Kanaríeyjum voru eitthvað að gera sig gildandi í keppninni á þessu ári en fjölmiðlar á Kanaríeyjum fjalla nú um misheppnað markaðsátak fyrir ferðaiðnað eyjanna sem fólst meðal annars í að senda 100 "gulstakka" til Íslands með það að markmiði að lokka Íslendinga til eyjanna.

...Participants admitted some of the events prepared to showcase the Canaries were ill-planned and attracted little interest. One unnamed ambassador was quoted in a Canarian daily as saying that "there is no-one on the streets to see us do our thing, it is far too cold. This is disastrous"...

Sú ákvörðun að velja Ísland sem fyrsta landið í þessari rándýru markaðsherferð sem talin er kosta 7 milljónir evra er harðlega gagnrýnd í ljósi þess að aðeins 300,000 hræður búa á skerinu þar sem efnahagurinn er í rúst í kjölfar hrunins bankakerfis.

...However, with a population of just 300,000 (slightly more than Santa Cruz and much smaller than Las Pal mas) and an economy in the doldrums after the collapse of several banks, experts query the choice of country to pioneer the ambassador programme, which is costing the Canarian government seven million euros...

Íslensk stjórnvöld brosa út í annað yfir þessu aumkunarverða útspili eyjarskeggjanna enda komast þeir ekki með tærnar þar sem íslensk stjórnvöld hafa hælana í heimskupörum. Það má segja að engin spenna sé lengur í baráttunni um heimsmeistaratitilinn 2009 eftir að íslensk stjórnvöld skrifuðu undir IceSave.

Gagnrýniraddir heyrast að þessi keppni sé orðin álíka spennandi og Formúla 1 þegar Michael Schumacher var upp á sitt besta. Úrslitin ráðin löngu áður en keppni lýkur.

Íslensk stjórnvöld eru þó ekki af baki dottin og eru þegar farin að huga að góðu heimskupari fyrir árið 2010 og þykir ESB-hraðinngönguleiðin vera best til þess fallin að halda okkur á toppnum.

Tækni okkar manna í heimskupörum er orðin mjög þróuð. Má í því samhengi nefna síðasta útspil þar sem Össur ESB-hraðinngönguráðherra flaug sjálfur út með hraðinngöngubeiðni sína til ESB en strax í kjölfarið kom Steingrímur ESB-inngönguhindrunaráðherra og sagði að Íslendingar hefðu engan áhuga á að ganga í ESB.

Það er ekki ofsögum sagt að keppinautar íslenskra stjórnvalda í heimskupörum hafi verið furðu lostnir og í kjölfarið kærðu þeir íslensk stjórnvöld fyrir að beita ólöglegri heimskuparatækni. Mótrök okkar manna eru auðvitað þau að það séu engin mörk þegar kemur að heimskupörum.

ESB inngöngustefnan: Hraðferð án skilyrða hvað sem það kostar

Í ljósi ummæla Steingríms J. Sigfússonar, fjármálaráðherra um að Íslendingar hafi ekki áhuga á að ganga í ESB er ekki furða að Össur Skarphéðinsson, ESB-hraðferðarinngönguráðherra, vinni nú ötulega að því að undirbúa stjórnarskipti.

Mannval Össurar í ESB viðræðunefndirnar er skýrt teikn um væntanleg stjórnarskipti enda raðar hann hverjum sjálfstæðismanninum á fætur öðrum í nefndirnar ásamt auðvitað sínu fólki. Betra að hafa næsta samstarfsflokk góðan.

Kostnaðurinn við umsóknina virðist ekki skipta neinu máli enda ESB inngöngustefna Samfylkingarinnar skýr skv. frétt Morgunblaðsins um daginn: Hraðferð án skilyrða og hvað sem það kostar.

Virðist Samfylking og aðrir ESB-hraðinngöngusinnar vera búnir að gleyma því að hraðferðir okkar Íslendinga hafa kostað okkur mikið og nýlegt dæmi er hraðferð okkar inn á alþjóðlegan fjármálamarkað sem endaði með ósköpum.

Í miðjum þrengingum okkar Íslendinga þar sem þúsundir fjölskyldna eiga varla fyrir mat og niðurskurður í velferðar- og heilbrigðiskerfi vofir yfir ráðgerir Össur að verja hálfum milljarði í þýðingar á brusselskum texta og sendir hóp embættismanna í kynnisferð til Svíþjóðar en ekki eru sjáanleg merki í fjárlögum um þessi útgjöld.

...Þannig er hópur íslenskra embættismanna nú í kynnisferð í Svíþjóð og Danir hafa, að sögn Össurar,... 

Það þarf kannski ekki að koma á óvart að við lærum ekki af reynslunni þegar æðsti embættismaður þjóðarinnar metur það sem góðan eiginleika, í frægri ræðu, að íslendingar láti ekki ferli (process) hindra sig heldur láti verkin tala.

...Second, we tend to focus on the results rather than the process: to go straight to the task and do the job in the shortest time possible; to ask when it can be done rather than how... 

Einmitt. Hjá flestum þjóðum myndi þetta kallast óðagot, skipulagsleysi, fúsk. Málið er einfalt. Maður styttir sér ekki leið í svona málum.

Vandaður undirbúningur samkvæmt nákvæmlega skilgreindu ferli skilar okkur bestu niðurstöðunni. Þannig vinnubrögð vefjast auðvitað fyrir "þetta reddast" ráðamönnum "þetta reddast" þjóðarinnar. 

Ummæli fjármálaráðherra vekja athygli í Brussel

Brauðmoli úr fuglsgoggi lamar öreindahraðalinn

Sá ótrúlegi atburður gerðist fyrir nokkrum dögum að fugl sem átti flugleið yfir landamæri Sviss og Frakklands missti brauðmola úr goggi sínum og stöðvaði hinn risastóra öreindahraðal sem hýstur er í 27 km. löngum hringlaga neðanjarðargöngum og á að upplýsa okkur um uppruna alheims.

Þeir sem ekki trúa geta lesið frétt Telegraph hér og yfirlýsingu Cern stofnunarinnar hér.

Dr Mike Lamont, the LHC's Machine Coordinator, said that a "a bit of baguette", believed to have been dropped by a bird, caused the superconducting magnets to heat up from 1.9 Kelvin (-271.1C) to around 8 Kelvin (-265C), near the mark where they stop superconducting. 

Brauðmolinn sem fuglinn missti úr goggi sínum gerði það að verkum að hraðallinn, sem kældur hafði verið niður í næstum alkul eða mínus 271 gráðu á celcíus, ofhitnaði upp í mínus 265 gráður.

Það á ekki af vísindamönnum Cern að ganga en skemmst er þess að minnast þegar hraðallinn var settur í gang um miðjan september 2008. Nokkrum dögum síðar varð bilun og fljótandi ofurkælt helíum flæddi um allt og stöðva varð græjuna.

Það hefur tekið meira en 15 ár að smíða þetta skrímsli og meira en ár farið í viðgerð og að henni lokið aftur búið að kæla vélina næstum að alkuli, kveikja á henni og setja í gang þá flýgur fugl yfir og sleppir brauðmola á hluta af búnaði tækisins á yfirborði jarðar og stöðvar það. Brauðmola!

Margir hafa lýst efasemdum um verkefnið en ég er aftur á móti ákaflega heillaður af því eins og sést hefur á mörgum bloggfærslum mínum um það. Efasemdamenn óttast að þegar tækið nær fullum afköstum og öreindir verða sendar í sitthvora áttina um göngin og látnar rekast á þá verði til svarthol sem gleypi jörðina.

Nýjar kenningar virtra fræðimanna frá Niels Bohr stofnunni ganga út frá því að græjan muni aldrei komast í gagnið því um leið og eindirnar rekist saman verði til svokölluð Higgs eind (guðseindin) sem fari aftur í tímann og valdi skemmdum á tækinu sem geri það að verkum að Higgs eindin verður aldrei til.

Þeir sem ekki trúa þessu geta lesið hér.

The succession of technical problems the LHC has suffered has led some physicists, apparently in all seriousness, to claim that it is being sabotaged by time-travelling particles from its own future.

Vísindamennirnir vilja meina þetta hafi einmitt gerst í september í fyrra og ég er ekki frá því að þeir hafi sagt "I told you so" þegar upplýst var að brauðmoli úr goggi fugls hefði stöðvað tækið núna.

Gárungar hafa stungið upp á því að vísindamenn við Cern stofnunina ráði vængjaða ketti til að verja græjuna fyrir árásum fljúgandi fugla.

Ekkert er upphaf alls

Á vafri mínu á netinu um daginn sá ég að fréttavefur BBC sagði að hinn risavaxni öreindahraðall sem byggður var neðanjarðar á landamærum Sviss og Frakklands til að rannsaka upphaf alheims hafi verið kældur niður í næstum alkul - 271 gráðu á celcíus - til að undirbúa fullnaðar ræsingu hans um næstu áramót.

BBC segir að þetta sé kaldara en ystu myrkur alheims. Okkur Íslendingum þykir þetta varla í frásögur færandi en íslenska efnahagsvélin hefur starfað við alkul - IceSave - í rúmt ár. Öreindahraðallinn var settur í gang og gaf upp öndina í september í fyrra og þá drap íslenska efnahagsvélin á sér og Lehman Brothers liðu undir lok.

Stórmerk tímamót áttu sér stað síðastliðinn föstudag að sögn Telegraph þegar öreindahraðallinn var loks gangsettur til prufu. Öreindir voru sendar um hin 27 kílometra löngu hringlaga göng en þó ekki á fullum afköstum og ekki alla leið í þetta sinn.

Allt gekk vel og nú horfa vísindamenn CERN stofnunarinnar björtum augum til áramóta þegar öreindir verða sendar af mun meira afli eftir göngunum í báðar áttir og látnar rekast saman.

Ég sá mjög spennandi kynningu á netinu um daginn um upphaf alheims og þar eru færð rök fyrir því að alheimurinn hafi orðið til úr engu. Ekkert sé rót alls.

Getur verið að ekkert sé upphaf alls?

Getur ekki samþykkt Icesave